kada ma' parapa' rambu solo'

Koe teto limbongmo lante rante-rante kalua’ te totasikmo lante tandung kalonaran, tapatananrampanni talinga duanta tapalidan maya-mayai pili’ pa’perangnginta. Koe.. Denki’ mani’ tominda-mina tomatumbaya sangana la ullutu tombangngi te ada’na rampe matampu’ la ussebong pullanni alukna kabotoan kulla’, anna tangmanda’mo dipobatang dikollong tangbintin dipokulambu taruno, koe tauee anna dako’pa na dako’ nadipasilaga te kinallo lalanna te dao to tungara, nadi pasipaningo tu tanduk tuo lulanggngan anna denki’ mani salembe’ kalungkung tedong natodo tanduk tuo lulangngan anta bawai ma’panga-sanga lako temai to umpa’tekdek tombi sara’tu’ to umpatunannang telo-telo rante. woeeee salian rinding ya temai ampuna sara’ tipataleko’na manangnya temai to umpagau’ aluk. oeee silelekomi me kayooo e